Un chauffeur a haya un susto di su bida ora cu un candela a surgi den e auto cu e tabata maneha.
E hecho aki a sosode poco despues di 11.30 di mainta riba ex Sasakiweg. Segun e chauffeur a splica, e tabata coriendo riba e caminda menciona, transportando alimento den e baki di pick-up cu e tabata coriendo.
Di repente el a sinti holo di candela y a bira mira den spiel pa mira cu tin un candela den e baki pick-up. El a para memey di caminda y a bati alarma cerca su hefenan. Nan a yega rapidamente cu nan aparatonan di paga candela y un rato despues Brandweer a yega.
Como cu e motor no tabata e problema, a keda di chek si ta bay cu e vehiculo riba nan mes of mester yama un takelwagen.