Miyones a bay na compra di un flota di 15 bus. Minister a bay nuebe dia den exterior pa asina bay mira busnan cu a ser cumpra caba y paga.
Simplemente un trip di casi diez dia pa Brazil cu director y consehero pa mira bus cumpra caba. Busnan a yega Aruba y awor nan tin varios luna para den cura. No por sali cu nan pasobra airco no ta fria den e clima cayente. Awor ta busca expertonan di afo pa bin los Pulley cu Fan Belt pa asina purba adapta e airco pa mira si tog e ta fria.
Ademas por a mira cu e Busnan tin poco bentana y hopi chikito cu no por subi caya sin airco. Mientras cu tur e cosnan aki ta pasando, busnan bieu ta sigui riba caya. Azeta ta basha tur caminda for di e motornan causando daño na medio ambiente. Dialuna atardi un di e busnan Chines cu ta hopi bieu a kibra. E tabata cu basta mucha di scol y biniendo playa na altura di Rotonde Pos Chikito, e ass di e bus a kibra y wheel a hera kita bay.
E bus a keda para riba caminda y mester a core yama e mecaniconan di Arubus pa presenta. A busca otro bus pa asina transporta e muchanan cas. Danki Dios nada mas serio a sosode. A pidi un takelwagen grandi pa asina transporta e bus pa garage di Arubus na Wayaca. Keto bay mas bus ta cay afo di e flota mientras ta pendiente pa mira te ki dia e busnan nobo cu inversion miyonario lo subi caya finalmente.