Carolyn Kelly y su famia tambe ta campa. Esaki ta nan di tres aña cu nan ta campa. Prome aña el a campa cu famia y despues el a bay riba su mes banda di Fisherman Hut. E tabata hopi leuk, pero tin di compronde cu e aña aki tambe a pone barancanan grandi cu ta keda hopi leu di e beach. Por lo menos tabata tin santo blanco, pero mester a kies entre eybanda of Bushiri.
Kelly a scoge pa e area di Bushiri, pasobra tabata tin hopi gana di haya ta cerca di Tamarijn caminda cu e por haya santo blanco.
E mes su presion a bay halto, desde diaranson, pa loke ta wardamento di luga. Tabata tin discusion cu hendenan cu ta bin cuida luga, cual eigenlijk no mag. Ta compronde cu tur hende kier un tiki espacio pa por ta tiki cerca di lama.
Carolin awo ta sinti su mes bon caminda cu e ta, pero no tin santo blanco y e beach ta un tiki leu. Asina mes e ta gusta campa, gewoon bay guera. E tera ta bin, ta guli’e, pero mañan, ta sak’e for di nan sistema.
Kelly a campa hopi aña di su bida, pero nunca sigui. E tabata varia. El a campa for di mucha cu su mayornan. Semper nan tabata bay unda cu ta. Antes ta unda cu ta cu para, ey b’a arma bo siman di campamento. Awor aki, cu tanto regla, e ta bira tiki mas moeilijk. Mester sigui, segun Kelly.
Sigur Kelly ta stima campamento. Despues di e aña aki, en berdad el a menciona cu e ta kere cu ta bay wak kico tur e reglanan cu lo bin. Si e keda asina, lo e prefera tira un uitje den e temporada aki y campa den su santo blanco, den cualkier fecha di aña. Un otro temporada cu mester cuida luga, pasobra di berdad, Kelly sigur a pensa cu e lo bay campa den hospital, mirando cu su presion a subi den e buscamento di luga.
E no ta den posicion pa bay pleita pa un pida tereno. E ta contento toch cu el a caba cu su dia di trabao y pa mey anochi a settle down. E ora ey el a sinta y su siman di campamento a cuminsa.
