Tur aña e dialuna despues di parada grandi na San Nicolas, tin un evento cu ta wordo yama “Burn out Monday” cu ta wordo teni na Baby Beach net riba e veld y e aña aki no tabata un excepcion.
Ya caba for di 10’or di mainta e ambiente a cuminsa y a sigui te oranan di anochi. Tabatin presentacion di diferente grupo manera Bang Daddy, Mikes Disco y na final di anochi a cera cu Le Groove.
Diferente persona a bin cu nan trailer pa bende juice fresco of cuminda, otronan ta bin cu nan mesa di Domino cu nan tent pa disfruta di e dia den un bon ambiente y dushi musica. Loke si mester remarca ta cu e atendencia aki, mescos cu tur otro evento di carnaval di e aña’ki, tabata menos cu otro añanan.
