Melding di dump ilegal, compara cu aña 2022 a subi, segun vocero di Bureau City Inspector Robby Rosel. Tin un subida di mas of menos 4% compara cu 2021 y aworaki tin di bisa cu e comienso di aña cu ta core for di 22 di december pa 3 di januari, esaki a keda mesun caminda. E no a subi ni baha, segun Rosel.
NO A SINTA CU MINISTER
Minister Dangui Oduber a cuminsa e siman cu lo sinta cu diferente stakeholder dialuna cu a pasa, p’asina atende cu e problematica di sushi, entre otro cu ATA y tambe Tourism Product Enhancement Funds. Riba e pregunta si BCI ta forma parti di esaki y kico lo bay sosode.
Rosel a menciona cu e no por contesta mirando cu nan no a haya sinta pa por yega na un areglo riba e topico aki.
