Riba di dos dia di Pasco a manda un patruya di polis pa atende cu un grupo di hende bebiendo pafo di Manuelito’s Bar na Playa. Polis a constata cu e bebemento tabata riba area publico, causando aglomeracion. A core cu tur hende foe di e sitio.
Pero manera semper, nunc’un ta falt’un heroe. E biaha aki tabata un burache cu a sali bin mete cu trabou di polis. Na dado momento el a bisa polis ci e ta bay mata su mes. Como cu e tabata asina betra y no kier a rasona, a opta pa hib’e ward’i polis pa e pasa su wayaba den un cel. Pa ora e bin bei, probablemente e lo a lubida kico tabata su intencionnan.
