Diaranson atardi, na Dr. Horacio E. Oduber Hospitaal a cuminsa prepara pa traslada e hoben kende den oranan di marduga tabata envolvi den e accidente di trafico, cu a sosode na altura di Great Rich, na Paradera. Brian Croes di 24 aña di edad a resulta seriamente herida, a mand’e den coma y mesora a cuminsa cu tramitenan pa mand’e Colombia, pa ricibi tratamento medico mas avansa necesario pa e por recupera.

Algo pasa di 9:15pm, cu ambulance a transporta e victima pa Aeropuerto, unda e avion Air Ambulance tabata para cla pa sali cu e victima pa Cali, Colombia. Mama di e victima a compañ’e den avion rumbo pa Colombia, unda nan ta warde na Hospital Valle del Lilly na Cali. Ey AZV ta manda hopi pashent di Aruba tambe pa varios tipo di tratamento medico specialisa.

Tabatin varios famia na W-Aviation pa di leu despedi di nan ser keri, sperando cu Dokternan na Colombia, uzando ekiponan specialisa cu nos no tin na Aruba, por yuda e victima cura di e retonan cu e tin awor cu su salud.


Comments

comments