Diabierna anochi alrededor di 10:20 pm polis a topa cu un homber drumi rib’e plenchi dilanti Corte den John G. Emanstraat cu Hendrikstraat. E homber a vloer henter un boter plat di Anis su so. Well, no a dura mucho cu despues di bebe henter e boter, cu e alcohol a dal e y mand’e plat.
Polis a lant’e for di band’i caminda. E tabata trece su mes y demas automobilista den peliger. El a kere cu e tabata na San Nicolas, parce e ta biba na Mabon. Polis a purba yud’e door di purba busca un conocir di dje pa busc’e pero sin resultado. Na final no a keda e agentenan nada otro pa deten’e y hib’e pa warda p’e sosega su curpa tras di tralie.
