Booshi Wever, lider di e partido politico UPP ta sigui cu su analisis riba e acuerdo cera cu Hulanda y loke tanto e actual prome ministerio como esun anterior a papia di e tema aki pa demostra cu e cosnan no ta cuadra, cu tin manipulacion di informacion.
E ta splica cu den e articulo anterior el a repasa e prome parti di declaracionnan haci dor di Mike Eman, despues cu Prome Minister a firma e acuerdo di Black Friday di dia 13 di november. Mescos cu a haci cu e splicacionnan di prome minister riba e acuerdo, UPP a realisa un fact-check riba Eman su declaracionnan.
Na final, e ta bisa, ta keda na pueblo pa scoge si kier mantene Aruba riba e rumbo tradicional of ta scoge pa bin cu un cambio den forma di hiba gobernacion aki na Aruba.
Klik riba e documento cu ta compaña e articulo por lesa e analisis completo di e lider di UPP Booshi Wever.
Na final Wever ta bisa cu UPP a haci e ehercicio aki pa ilustra con e dos lidernan politico di e dos partidonan tradicional cu a percura pa nos perde e CONFIANSA, ta sigui cu nan manipulacion y desinformacion djis pa sacia nan hamber pa poder. P’esey UPP ta ofrece un pakete di idea, pa caba cu e tipo politica di manipulacion y desinformacion. “Nos mester para keto un rato, cuminsa for di “scratch” y ahusta e belanan y drenta den aire nobo di REBOOT 2.0 cu lo percura pa e NORMAL NOBO cu lo conta cu e gremio politico.
Loading…
Reload document 
Open in new tab 
