Ex minister Booshi Wever ta mas preocupa cu nunca, pa motibo cu el a kere sigur, despues cu el a tende dialuna cu tin un parlamentario di MEP cu lo bay haci pregunta, el a ripara cu den e conferencia di prensa ki preguntanan e ta bay haci, el a sinti caba cu ta un tipo di show cu Otmar ta bin cu su sprookjesnan y e stoel ta dushi y a bay eens cun’e. Tin di compronde cu esey a sosode tambe, cu ta apoya sr. Otmar Oduber, te hasta ta bati man pe, cu e ta haciendo un tremendo trabao.
Wever ta lag’e pa nan. Declaracionnan di sr. Otmar Oduber, unda cu e ta busca yen di smoesjes pa purba di argumenta e mudamento di Serlimar di San Nicolas pa Pos Chikito, ta dun’e mas conviccion cu eynan tin hopi mas cos.
Si por wak den un di su declaracionnan, Otmar Oduber a bisa cu Wever, hunto cu MEP, lo a huur DTI, bisando cu si e tempo ey tambe lo tabata payback time.
Locual cu sr. Otmar Oduber ta bisa ta, cu e ta admiti cu e huurmento aki ta un payback. E ta insinua, cu si abo por, mi tambe por.
Pero di un otro banda, e tin cu wak cu e tempo ey, muda for di San Nicolas, un keuringslokaal cu tabata sumamente chikito, ta un otro motibo pa busca di hustifica. Pero e tempo ey y nunca Wever tabata responsabel pa DTI. Si e ta kere of insinua cu ta payback time, e tin cu bay cerca sr. Rudy Croes, pasobra ta el a huur’e. Y bay puntra sr. Rudy Croes pa payback, cual Wever ta duda. Aki e kier ilustra cu sr. Otmar Oduber, apart cu e ta un scorpion, cu e ta un octopus, aki ta mira cu e ta mep MEP manera cu e kier.
Poco tempo ey el a bisa esnan di Ministerio Publico cu a bay keiro. Awo el a bisa cu MEP ta huur’e pasobra el a paga bek campaña y awo tambe kier haci’e. Y ta purba di insinua cu ta MEP y Wever. Esaki ta un otro cheapshot pa purba hustifica. Wever ta mas convenci cu tin mas cos bao di henter e asunto aki cu henter e huurmento aki so.
Ora cu e ta papia cu ta 28 mil florin so, excluyendo coriente. Pero di otro banda, si e ta 1 florin mes, ta dimas. E luga pariba a keda demostra cu ta den bon condicion. E tin bentana, e tin tur cos. E peliger di mas grandi di henter a sunto aki ta e decisionnan ad hoc cu e ta tuma.
Pakico
Si bo tin un plan total, bo no ta keda fragmenta henter e problema aki. E ta un cadena cu bo tin cu bay, con bo ta bay trata cu desperdicio aki na Aruba. Si bay fragmente, cada bes cu bo yega na un parti di dje, ta costa placa. Eynan cada bes ta haci un deal. Ta haci un deal. E ta wheel and deal pa saca propecho di dje. Esaki ta un payback time. Kico ta bay pasa cu e proyecto di yenamento di santo na Sero Tijshi cu ta bin?
Un acuerdo bo por firma cu cualkier compania aki na Aruba, pero cumpli cu reganan di bon gobernacion. Bay un destaho publico y esey no a sosode.
Cuanto tereno ta bay wordo perdi. Terenonan di Prime Locaton, 150 mil meter cuadra. Ta 30 veld di futbol banda di otro, ta benta saco di plastic y sin liners. Awor aki parce aparentemente ta bay bin liners, atrobe un hende ta bay hay’e sin destaho publico. Riba e 150 mil meter cuadra ey ningun edificio of cas mas por wordo construi y esaki ta e peligernan cu ta mira den e decisionnan ad hoc cu e minister aki lo tuma.
Wever ta sigur cu tin hop mas cos bao di e asunto aki y lamentablemente tin parlamentarionan cu ta bati man p’e.
Minister ta keda hustifica
Tin cosnan cu minister Otmar Oduber ta splica cu expresionnan di Wever no ta corecto. Na Serlimar, e ta keda hustifica su mudamento. Tin otro hende ta sinti cu e luga di reciclahe por bay aparte di ta Pos Chikito, cu ta un parti cu ta wordo condider uno habita.
Segun Wever, reciclahe ta e palabra magico cu Oduber kier uza. Si reciclahe ta bo baby, dicon e otro parti di cadena, dicon bo ta uza e incinerator di waste to energy. E ta contradeci otro. Ora bo ta bay recicla, bo ta perde e productonan cu ta necesario cu un incinerator, pa waste to energy. Apesar di esey ta tambe e ta un waste to energy, pero e ta un waste of energy of waste of money
Wever sa cu e no ta bay sigui cu Bouldin & Lawson. Of e mester bay prensa contradici’e. Si e ta casi sigur cu pa 8 aña largo el a boycot’e, awo e ta sigui cun’e, e tin un espacio grandisimo eynan, si ta reciclahe e kier haci. Pero kico e ta haci atrobe pa uz’e como un smoesje, e ta pone den un area habita cu por ta no ta bay haci mucho cos pa e habita. Prome cu pone eynan tin cu saca un hindervergunning.
Kico ta bay pasa cu e contract ey
Pueblo di Aruba ta bay paga atrobe pa un edificio cu no ta bay wordo uza. Den henter e cadena aki Otmar Oduber ta purba di saca probecho den esaki, sea politico of personal.
Hindervergunning
Cosnan ta canando. Wever cu tur cos ta cla. E hendenan aki ta haya nan mes confronta cu un done deal. Ora cu sr. Vrolijk ta papia den su conferencia di prensa, ya Oduber a yega na un acuerdo cu su finansista, ta un realidad. Tabata tin 8 aña largo di tipo di gobernacion asina ey, unda cu ta conta sprookjes y hende tabata kere. Awo ta e mesun persona cu tabata den e gang, ta bin conta sprookjes. E parlamentarionan, no di MEP so, sino di AVP tambe, mester bay wak cu un biaha mas e persona aki lo bay duna nos un sorpresa cu ta bay costa nos hopi placa.
Sosten
Booshi Wever tabata 27 aña MEP. Un hende cu a ofende nan, un hende cu a insinua riba nan. A yama tata di prome minister pa Papa, cuanto miyones cu e ta yama. Awe e ta sigui bofta. Ora cu e ta insinua cu MEP, den e caso aki Rudy Croes, a huur’e pa cani mi pa mi cani bo. Awor aki den Bouldin & Lawson, a wordo scrutina di tur banda. E ultimo caso den corte tabata devastador. Hues a bisa pa paga e hendenan aki pa caba, pasobra e gobierno anterior a causa e boycott. Ta na 2016, unda cu Otmar a bisa di ta mas orguyoso cu nunca di ta AVP. Awor aki e ta bolbe bin insinua cu e proyecto aki nunca a traha.
E proyecto aki a traha perfectamente, segun Wever. Despues Otmar y su gang a stop di manda diesel. Nan tabata pone crankshaft den e aparato. Nan tabata horta bolts den magazijn y benta den sushi.
Awe ta bin bisa cu Wever a benta 30 miyon florin afo. Oduber ta e co causante cu e planta di Bouldin & Lawson no ta traha. Si Wever tabata den MEP hamas y nunca lo acepta esaki. Pero tin hende awo cu si ta acepta e expresionnan aki di e Scorpion aki y no ta bida nada. Ta echt lamentabel cu MEP a degenera den e nivel ey di acepta e porkeria aki di sr. Otmar Oduber.
