Dia 29 di mei u.p. CAFT a emiti su rapport di e prome kwartaal di 2018, na unda varios cos a wordo treci padilanti.
Nos a dedica tempo pa analIsa minuciosamente e relato di CAft encuanto e prome kwartaal di 2018. Loke a yama di inmediato nos atencion ta e siguiente puntonan.
Na prome lugar CAFT ta señala cu Serlimar a gasta 1.9 miyon menos cu presupuesta den e prome kwartaal. Con esaki por ta posibel si ta conoci cu Serlimar ta un “noodlijdend bedrijf” y recientemente a gasta placa pa e embeyese e oficinanan. Es mas tin dos(2) director cu salario di director y a tuma varios hende den servicio y a sera varios contractonan nobo na Serlimar mes y riba dump. E pregunta ta si CAFT ta wordo informa debidamente of tin trocemento di informacion.
Na di dos lugar CAFT ta señala cu a gasta 0.5 miyon florin mas na personal den e prome kwartaal compara cu 2017. Esaki nifica cu a tuma mas personal den servicio y cu e cifra di DRH (recurso humano) no ta klop cu lo tin 187 menos personal den servicio, loke un mandatario
a declara na radio. A tuma por lo menos 115 hende den servicio cu lo bai costa por lo menos 7 miyon florin extra y e pregunta grandi ta cuanto di e personanan aki ta presenta na pia di trabou?
Remarcabel ta e declaracion di CAft cu gobierno mester trata na mantene e cantidad di personal na e nivel di 2017. CAft ta duna e gobierno di e forma aki e bendicion pa tuma mas hende den servicio, pasobra nos sa cu e gobierno anterior a hinca durante y na final di su
periodo un cantidad grandi di persona den e diferente departamentonan. Pues un “carte blanche” pa no reduci e gasto total di personal, manera Raad van Advies y CAft mes a propaganda e ultimo añanan. Y ta parce cu ya caba e gobierno aki a tuma un “voorschot” riba esaki.
“Last but surely not least” nos kier a cita loke CAFT a bisa riba pagina 3 di nan rapport:
“Het is van belang dat de BAVP introductie en de belastingverhogingen tijdig geïmplementeerd worden om de begrote meeropbrengsten daadwerkelijk te realiseren. Aruba geeft aan dat de
BAVP geen bestemmingsheffing specifiek ter dekking van de beschikbaarheidsvergoedingen van de PPP-projecten is. Dit betekent dat de opbrengst van de BAVP in de algemene middelen vloeit”.
Gobierno ta haci tur posibel pa purba hustifica e MEDIDA cu a ser pasa den strot di nos pueblo. A argumenta cu “crisisheffing” ta pa paga pa e proyectonan corupto di AVP/POR. CAFT corectamente a señala cu e BAVP NO ta un “bestemmingsheffing”, pero cu e placa procedente di esaki ta bay den e “algemene middelen” loke nifica cu e placa aki por ser usa pa cualkier otro tipo di gasto. E “crisisheffing” pues parce di ta destina pa simpelmente por sigui derocha placa. Loke ta hustamente nos a bin ta señala e ultimo dianan. ARUBA,QUO VADIS??
