Tabata diadomingo cu un persona a yega na Instituto Medico San Nicolas (IMSan) pa ricibi tratamento medico. Eynan e miembro di siguridad a inform’e cu e mester bisti un “mondkapje” pa por bay paden. Pero, e persona tabata rabia y no kier a tende di e regla di siguridad den e Hospital y a dal e security guard.
Polis a presenta mesora na e sitio pa check kico ta pasando cu e persona aki, pero na nan yegada ya el a bandon e sitio caba. A tuma keho di e miembro di siguridad y via camara a señala e agresor cu a bay causa un situacion di panico y desordo den IMSan diadomingo atardi. Polis a keda di traha un rapport pa manda y verifica kico ta pasando.
