Bom Melding na Oceania Condominiums

Diasabra mainta varios unidad di Polis a mobilisa urgente den direccion di Oceania. A drenta informacion na nos mesa di redaccion cu tin algo di haber cu explosivo. Hasta tabata papia di bom melding.

Ora cu Polis a yega a pidi tambe mas unidad pa evita acceso na e sitio. Autonan tabata ser desvia mesora pa otro area. Paden diferente unidad di Polis a presenta. A keda basta largo na e sitio.

Bom Melding na Oceania Condominiums

Bom Melding na Oceania CondominiumsDiasabra mainta varios unidad di Polis a mobilisa urgente den direccion di Oceania. A drenta informacikn na nos mesa di redaccion cu tin algo di haber cu explosivo. Hasta tabata papia di bom melding. Ora cu Polis a yega a pidi tambe mas unidad pa evita acceso na e sitio. Autonan tabata ser desvia mesora pa otro area. Paden diferente unidad di Polis a presenta. A keda basta largo na e sitio. Te asina leu no a haya nada despues di un rato largo di investigacion. Durante e proceso e seguridad a haya ordo pa ningun vehiculo drenta. Tur mester a keda pafo. Hasta turistanan cu mester a chek out tabata bin te pafo cu nan maletanan pa asina subi taxi y bay airport.

Posted by 24ora on Saturday, April 20, 2019

Te asina leu no a haya nada despues di un rato largo di investigacion. Durante e proceso e seguridad a haya ordo pa ningun vehiculo drenta. Tur mester a keda pafo. Hasta turistanan cu mester a check out tabata bin te pafo cu nan maletanan pa asina subi taxi y bay airport.

Informacion adicional cu nos a ricibi tabata cu turistanan cu tabata na e pool y ora cu e turistanan aki a bay bek den camber, nan a bay cu tas cu nan tabata tin hunto cu nan. A ripara cu un di e tasnan no ta di nan. Nan a pone banda di e porta y ora a bay habri wak den e tas a mira cu tabata tin cosnan straño manera waya y a mustra cu ta artefactonan di bom.

P’esey nan a bati alarma. Polisnan a mobilisa mesora. Nan a cuminsa cu investigacion. A bay mira e tas, a yama e expertonan di bom. No a mishi cu e tas si. Ora cu e expertonan a bin analisa e tas, etc. nan a ripara cu no ta trata di ningun explosivo of bom. Tabata mas bien cierto gasmasker, etc. cu nan ta uza pa training, y esey ta loke tabata tin den e tas.

Esey a spanta e turistanan cu a pone nan bati alarma. Despues di investigacion, a resulta cu tur cos tabata ok. No tabata tin motibo pa alarma.

Comments

comments