Kurpa sin bida lokalisá den mondi

Djabièrnè 19 di aprel 2019 alrededor di 19.34’or, Sentral di Polis a risibí yamada tokante di un kurpa sin bida ku a keda lokalisá den un mondi patras di un sentro di dibertishon riba Seru Fortunaweg. Un hòmber ku tabata yag, durante di su aktividat den e mondi en kestion, a bin topa un kurpa sin bida di un dama. Promé indikashon ta mustra ku ta trata aki di un dama di edat i ku ya tabatin algun dia òf te asta simannan kaba den e mondi aki. Te na e momentunan aki, no por konkluí si ta trata di un krímen òf un òf otro sirkunstansia bou di kua e persona aki a resultá na e sitio aki. Riba òrdu di fiskal di Ministerio Públiko a konfiská e kurpa sin bida aki, pa mas investigashon.

Comments

comments