No pasobra e cantidad di casonan na Aruba ta keda hopi abou ta nifica cu e bataya a caba. Mientras cu zomer a cuminsa, e cantidad di casonan na positivo den algun parti di Europa a subi drasticamente, cu resultado cu ta papia di aumenta restriccionnan atrobe. Pues, awor cu turismo ta florenciendo un biaha mas Aruba mester sigui vigila pa e cantidad di casonan di Covid-19 no subi y esaki ta rekeri trabou den ekipo.
E boluntarionan di Freewinds y e director di EPB Oranjestad, Erwin Lopez, sa di e balor di desinfeccion preventivo. Confronta cu e posibilidad di un subida den casonan positivo y consecuentemente mester cera e facilidad, Meneer Lopez, den comienso di aña a pidi e boluntarionan pa desinfecta ful e scol. E boluntarionan a reacciona di biaha y a spuit ful e facilidad cu D7, of Decon 7, e miho
producto obtenibel cu efectivamente ta mata 99.9999% di tur tipo di virus y bacteria, uzando un cantidad di boluntario den un periodo di dos dia.
Como cu nan a experiencia e balor di desinfecta preventivamente, pa stop e virus di plama, EPB Oranjestad tawata contento di ricibi nan kit di D7, como e prome paso pa por desinfecta nan propio facilidad.
Despues di a ricibi e kit di D7, a cuminsa e sesion di entrenamento door di e boluntarionan di Freewinds pa dos miembro di staf di EPB. Esaki a inclui entrenamento teoretico y instruccion practico siguiendo un checklist pa sigura cu nan lo compronde pakico tur e pasonan aki ta importante pa completa un desinfeccion completo y efectivo.
Aki por mira Susan Lora, Deputy Port Captain di Freewinds, ta duna Erwin Lopez un splicacion di materialnan den e kit di D7. Cu e materialnan aki a cuminsa e entrenamento di e staf. Deputy Port Captain, Susan Lora, a presenta e certificadonan na e staf di EPB cu a completa e entrenamento, den presencia di Erwin Lopez, director di EPB Oranjestad.
E conciergenan di facilidad, Mario Fingal y Juan Krosendijk, awor ta spuitdonan entrena y certifica di D7. Nan ta completamente confia cu nan ta capas di ehecuta e pasonan preventivo necesario pa scol EPB di awor padilanti. Ne e ceremonia chikito di graduacion, meneer Lopez a comenta: “Freewinds ta haciendo un trabou extraordinario! Mi ni a soña di haya e ayudo na e manera aki. Danki pa pensa riba nos y nos lo haci bon uzo di e materialnan aki y di loke nos a siña. Nos ta hopi gradici pa loke boso a haci pa nos scol y e ta nifica hopi mas pasobra a hacie di curason.”
Desde comienso di e pandemia, e esfuerso di e boluntarionan di Freewinds ta basa riba e palabranan poderoso di e fundado di Scientology, L. Ron Hubbard, cu “un ons de prevencion ta bal un ton di cura”. Awor cu EPB Oranjestad ta parti di e ekipo preventivo, e ta haci cu manteniendo Aruba como un di e luganan mas sigur na mundo un hecho.
Pa asistencia di e boluntarionan di Freewinds, pa ricibi seminario preventivo of entrenamento con pa desinfecta cu D7, por tuma contacto cu e Deputy Port Captain di Freewinds na e email [email protected] of via Signal na +1 727-549-8104 of na cel +297-747-1613. Pa haya sa con pa proteha bo mes y otronan, con bo por mantene bo cas y bo luga di trabou sigur, bishita How to Stay Well Prevention Resource Center online na www.scientology.org/stawell caminda por mira tur e videonan y pamflentanan di Stay Well y por download nan gratis.
