‘Kranshi’, tin e privilegio, derechi i obligashon di tin un sédula. No opstante di esaki, kasi
mitar di hóbennan ku a kumpli 12 aña no ta saka nan sédula. Tambe mas ku mitar di
adultonan ku nan sédula a kaduká no ta renobá nan sédula na tempu.
Lokual ta mustra ku nos no ta sufisiente konsiente ku nos sédula ta nos prueba di identidat.
Lei ta bisa ku hende di 12 aña bai ariba ta obligá di mustra un dokumento di identidat
válido ora un outoridat pidi p’e. Esaki por ta e kaso entre otro durante di inskripshon na
skol, ora di traha un eksámen òf durante di trafikashon diario riba nos kayanan. Nos
sédula ta e dokumento di identidat ofisial di Kòrsou.
Mas konsientisashon di mayornan i hóbennan, riba e derechi di por risibí un dokumento di
identidat ofisial i e obligashon i nesesidat di kana ku nan sédula válido ta nesesario. Den
kuadro di esaki Minister di Gobernashon, Planifikashon i Servisio a regalá tur hóben ku a
kumpli 12 aña entre 24 i 27 di desèmber nan promé sédula. Esaki komo inisio di mas
aktividat e aña aki pa konsientisá mayor- i hóbennan.
Ministerio di Gobernashon, Planifikashon i Servisio (GPS) ta hasi un yamada na tur
siudadano pa kontrolá e fecha di vensementu di nan sédula pa tuma nota si el a kaduká òf
ta den kaduká. Tambe ta urgi tur mayor ku nan yu a kumpli òf ta den kumpli 12 aña pa
saka nan sédula. Por tuma kontakto ku Lokèt di Pèrmit na Saliña 127 (Eurobuilding Unit 3-
8, tel. 0800-1515 (grátis) / 433-3123) òf subi riba [email protected] i traha un sita pa
saka òf renobá sédula.
Sigui e Facebook page di Ministerio di Gobernashon, Planifikashon i Servisio i haña mas
informashon tokante kon minister Konket ta realisando un Kòrsou bon sirbi, un Kòrsou
honesto, un Kòrsou konektá i un Kòrsou ku direkshon.
