David Britten ta di BIC y nan a termina un proyecto. E ta splica cu nan tabata na ex Commandeursbaai. E ta un proyecto cu nan ta yam’e strandverbetering Cura Cabay. Ta un proyecto cu ta encera e rehabilitacion di e santo blanco.
E construccion di un luga pa e bishitantenan y tambe un facilidad pa e piscadornan. Mas banda di pariba tin un a cuminsa traha pier nobo.E ta un espacio completo, unda cu henter e espacio a wordo dividi den diferente manera cu e usuarionan por uz’e. Si wak riba beach a cambia practicamente tur e santo blanco cu ta riba e proyecto pa santo limpi. Tambe ta wak cu tin diferente palapa, tanto chikito y grandi cu a wordo poni. Ta un joya di un proyecto cu ta bay casi entrega awor aki.
Beach den mal estado
E beach manera cu e tabata, tabata den hopi mal estado y casi ningun persona tabata bin mucho eynan.Awor aki cu a keda cla, cu vooral atardi, e ta bira bastante druk. Si ripara bon, tin diferente mata berde cu a wordo planta, coco, druif, diferente tipo di mapa cu a wordo añadi na e proyecto aki.
Proyecto di Gobierno
Esaki ta un destaho cu nan a participa aden. Ta un proyecto di Gobierno di Aruba. Tambe tabata tin e suerte cu a gana e proyecto aki. Nan mester a ehecute, conforme bestek cu a wordo duna na BIC.
Participante
Britten a splica cu esaki ta di tres proyecto cu tabata tin e oportunidcad pa traha. Nan a traha esun di Baby Beach, despues Strandhotel y awo na Cura Cabay. Cada un proyecto riba su mes, tin nan mesun caracteristica. Tur ta diferente, tur persona ta uzanan diferente. Tur tres a keda hopi bunita, pero nan ta diferencia un di otro. Awo ta keda na comunidad pa cuide. Ta proyectonan cu ta costa bastante. Un tiki cuido no ta malo. Semper ta bon.
Cuminsa for dicaminda
E proyecto ta cuminsa for die caminda di Zeewijk bin full paden.Si drenta tin e banda pabao unda cu ta e espacio pa e bishitantenan.Tin un bar eyden.Tin su facilidadnan di baño y mas banda pariba ta haya full e facilidad unda cu e piscadonan por mara nan boto y tambe Gobierno di Aruba tene cuenta unda cu diferente power pedestals unda cu e piscadonan por plug pa nan por haya coriente y awa pa nan necesidadnan di piscamento
Inversion
E tabata un inversion grandi. Segun Britten, e ta significante. E piscadonan tambe por ta trankil y contento di locualcu nan tabata tin y awor aki ta full un pier cu a uza materialnan describi den bestek unda cu mester a claba sheetpiles di plastic cu ta hopi duradero den fondo di lama, reenforse cu un cement special pa e ta duradero tambe.
