E aña aki a trece hopi reto pa nos comunidad. BENU semper dunando bek na un forma of otro a bin cu e idea pa tene algun evento al estilo Pop-up shop na BENU Botica Oduber.
Specialmente awor den e temporada di crisis economico aki, ta importante pa nos pone cabes hunto & pa nos duna apoyo na nos hendenan talentoso & balente cu a tuma e chens pa cuminsa nan mesun negoshi.
Negoshi chikito ta e backbone di nos economia & nos di BENU kier a duna nan un luga pa por mustra nan arte & nan servicionan. Semper pensando pa duna sosten na nos mesun hende localnan. E aña’ki, cumpra local & yuda nos mes un Arubiano.
Nos pop-up shop events lo sigui pa algun siman mas incluyendo mañan mainta, y algun siman na december parti mainta y atardi riba diaranson y diahuebs.
Tur siman nos tin diferente comerciante, pues sigui nos riba nos pagina di Facebook BENU pharmacy Aruba y Instagram BENU Aruba pa e schedule y tur otro activad y promocionnan.
