Na parecer di Partido PPA, a machica e rol di Partido RED. E representacion di RED tanto den Gobierno como den Parlamento a come sla na final di tratamento di Presupuesto 2018 den Parlamento ayeranochi lat. “Y como tal RED su rol a wordo popularmente bisa MACHICA”, asina Benny Nisbet a publica awemainta trempan riba red social.
E ta referi na dos mocion specifico:
1. MOCION DI AVP PA PARA INDEPENDISACION DI DPS PER DIRECT Y DEFINITIVAMENTE CU INDEPENDISACION DI DPS A PASA 18 PRO Y 2 CONTRA… (ESAKI POR WORDE CONSIDERA UN MOCION DI DESCONFIANZA !!)
2. Y NAN MOCION (DI RED Y SOSTENEDORNAN) PA DECRIMINALISA CANNABIS A WORDE RECHASA(TAMBE MACHICA) 14 CONTRA Y 6 PRO.
Cu e dos mocionnan aki liña recta contra maneho y ideanan di RED, e partido cu ta hibando oposicion pafo di Parlamento, esta PPA, ta considera cu e rol di RED awor ta completamente machica.
