Ben ta di e bario di Tanki Leendert a crece den un cas humilde di su
mayornan Teresita Trimon-Arends y Pedro Trimon unda nan tawata
10 ruman.

Ben a casa na aña 1977 y actual tin 42 aña casa cu sra Yolanda Trimon-Henriquez unda nan a haya 4 yui homber: Randy, Elton, Aldrich (q.e.p.d.) y Ransey Trimon cu Ben ta masha orguyoso mes Na 2016 Ben a perde un yui Aldrich Trimon, sigur un sla masha duro mes y ta hasi masha falta mes pero ta boluntad di Dios.

Ben tin awor 6 nieto Abigail, Randerly, Randall, Ayshelyne, Gionvick y Anaya, Ben ta stimanan masha hopi mes. Benito mihor conoci como Ben na un edad hopi jong a cuminsa toka Guitara Tray Sigui cu Madolin y te cu awe 55 aña despues Ben ta toca tur instrument cu tin cuerde. Na aña 1969 Ben a bai servisio Militar na Corsou despues a bai Hulanda bai toka hunto cu e Militarnan di Corsou y Aruba bou di e nomber AruMil y despues a caba e lichting na aña 1970 na Mareniers Kazerne Aruba. Ben no a keda cu cu loke e sa di musica pa su so. Ben a lanta sui yuinan y sobrinonan den musica.

Entre otro Randy Trimon cantante y tocado di Los Hermanos ta experto den Acordion y ta toca tur instrument, Elton Trimon Compositor y areglista expert den toca piano y otro instrument Jerrino Ridderstap cantante di Dilicious y ta toca diferente instrument Errold Ridderstap experto tocado di congo y diferente instrument y ainda tin hopi mas sobrino y amigonan pa menciona. Ben a core paranda di dande cu nan, actual tur ta core paranda di dande den nan mesun grupo, sigur cu si nan ta super orguyoso di
nan tata/omo cu a hinkanan den e mundo di musica. Ben a toca 13 aña cu Los Juveniles un epoca masha dushi mes hopi fiesta nan a toca.

Na 1979 Ben a drenta mundo di Mariachi unda Ben a cuminsa toca violin y awe 40 aña despues ainda ta tocando den Mariachi. Ben a toca cu casi tur Mariachi e.o. Mariachi Guadarincana, Mariachi Estrella, Mariachi Campesino, Mariachi Aruba,- Mariachi Lirios del campo, Mariachi Perla di Aruba y e Mariachi cu Ben ta tocando cu ne awor ta Mariachi Lus de luna Ben a participa 3 biaha na encuentro unda tur mariachi na mundo ta bin reuni na mexico Guadalajara.

Ben tawata tin e honor pa toca riba esenario cu e mariachi di e cantante famoso Ana Gabriel e prome biaha cu Ana Gabriel a
bishita Aruba . Un experiencia unico cu Ben no a lubida. Ben a haya diferente reconocimento y homenaje Entre otro na Dande a ricibi e violin di oro. Mensahe di Ben “ Sea semper humilde den bida y Gradici Dios pa e don cu la duna nos.

Comments

comments