Te ainda Belgica, e Diabelnan Cora, no a gana un copa di Mundo, pero el a demostra di ta un bon candidato pa ta un Campeon Mundial e aña aki. E biaha aki, e lo ta enfrentando La Seleção, Brasil, un Penta Campeon Mundial. E pais cu mas copa di mundo gana den historia.
Historicamente Brasil a ofrece espectaculo, a marca hopi gol y a popularisa nan jogo bonito. No obstnte, cu shete y tanto gol, e combinacion Sur Americano "solamente" ta e di cinco den e apartado anotador den Rusia 2018. Y ta nada menos cu cinco gol di distancia di Belgica, e seleccion cu ta lidera e clasificacion aki. Cu 12 gol na fabor y cuater en contra, e Diabelnan Cora ta un menasa sigur pa cualkier rival. E ekipo di Brasil, comanda pa Thiago Silva, ta acumula ya 310 minuut sin concende ni un solo gol. Cu apenas algun en contra e ta esun di mas solido di e torneo hunto cu Uruguay.
E ekilibrio entre un atake bon ordena y un retaguardia hopi disciplina e ta funcionando hopi bon. E Belganan a demostra cu nan por ta fragil den defensa. Pero tambe cu Romelu Lukaku – di dos riba e tabla di goleador cu cuater gol – of cu Eden Hazard, e tin hungadornan capas di genera peliger den cualkier momento. Si e “generacion di oro” Belga gana na Kazan, e Belganan lo suma nan di cinco triunfo Mundialista consecutivo y lo establece un record nobo. Bisando esaki, tin un solo pregunta: Brazil lo ta e di cinco superpotencia di futbol mundial den bay cas, uniendo na Alemania, Argentina, Portugal y Spaña? Pronto nos lo sa.
FIFA©
