Belgica no tabata kier mas sorpresa dentro di un Mundial, cu resultadonan inespera y a pone tera mey mey di nan cu Tunisia for di e prome lansamentonan, for di e instancia cu Hazard a mik cu e pena maximo den e 5 minuutnan di wega.
E Noord Africanonan, condiciona pa e resultado adverso, a delanta den linea, provocando cu e Belgaanan explota cu contraatekan veloz, lidera pa Lukaku, kende ta afirma e di dos algo mas despues.
E cabesaso di Bronn den e di 18 minuut a eleva un punto mayor di locura na e encuentro cu 2-1 riba e scoreboard. Pero e speransanan di e Tunecinonan, kendenan a pone presion den porta di gol di Cuortois, a desvanece completamente cu e doblete di Lukaku, net prome cu e porme acto a cera.
Casi cerando tambe e partido.
E “diabelnan cora” e biaha aki bisti na geel, a move na nan antoho durante e di dos mita. Hazard tabata encarga di engorda e goleada cu un mano a mano cual el a resolve cu maestria. Y aunke e fayonan di Batshuayi den e area, pa anota den e oportunidad mas complica, a confirma e potencial ofensivo di e alumnonan di Robert Martinez. Un di e ekiponan mas atractivo di Mundial y por lo tanto un candidato pa derecho propio na cualkier meta den e torneo aki. Pa awo, ya nan tin un pia y mey den e octavonan di final y ta ilustra entre e faboritonan den e ultimo campeonatonan.
Foto: FIFA©
