Diasabra, algo pasa di 10’or y 15 di mainta, patruya di Playa hunto cu brandweer, a bay cu urgencia na un cas na Sero Patrishi, unda cu lo tabata tin un mucha pega den cas cu tabata na candela.
Na momento cu polis y brandweer a yega, ya caba a logra paga e candela. Aparentemente un bisiña mes a paga e candela cu awa di cas y a saca e hobencita for di e camber. Haciendo un investigacion kico por a pasa, a bin resulta cu e hobencita cu tabata den e camber, pa un motibo of otro lo a sende e colchon na candela, pegando e cortina tambe. E hobencita no a resulta herida pero si cu susto. E heroe cu a salba e hobencita si a ricibi kemaduranan minimo. Ambulance presente a duna hobencita asistencia medico.
