Awe tabata tin Olympic Day anual cual evento a tuma luga na Aruba Bank Camacuri. Ta trata di e celebracion di e nacimento di e Comite Olimpico Nacional, cual ta cumpliendo 70 aña di existente.
Ta special pasobra ta hacie cu partnernan manera Aruba Bank y Ibisa, segun Roy Mezas ta presidente di Comite Olimpico Arubano. Aruba Bank ta organisa mayoria di e actividadnan pa COA y Ibisa tambe pa Kid’s Run y tur e otro caredanan. Como comite Olimpico ta percura pa tin diferente deporte cu ta duna demostracion etc. Por bisa cu e ta un exito rotundo un biaha mas. E ta increibel con tempran muchanan ta cla pa core.
450 mucha a core di edad entre 6 y 11/12 aña. Ta un tremendo actividad pasobra e ta promove deporte. E ta algo sano, e ta un oportunidad pa identifica talentonan tambe. Tin diferente oportunidad pa mucha busca nan federacion of deporte cu nan ta gusta y purba di bira miembro, siguiendo nan carera.
Federacionnan
Durante e evento, tabata tin 8 federacion presente, variando di basketball, bowling, judo, tiro, atletismo y diferente otro disciplina mas. Ta spera cu otro aña, e ta crece mas. No tin, vooral pa kid’s run, tin hopi oportunidad den aña pa muchanan chikito. Esey ta algo cu mester purba di lag’e crece mas, hasta regional, por ta internacional.
Generacion menos activo
E generacion di awo ta mas na cas. Como Comite Olimpico, Roy Mezas a splica cu e ta un reto continuo contra un bataya, contra iPad y telefon. Pesey por ehempel internacionalmente IOC a cuminsa cu Youth Olympic Games, cu ta pa muchanan hoben entre 15 y 17 aña y pa promove deporte entre hobennan. Na Aruba no por bisa cu el a baha. E interes no a subi hopi tampoco.
El a keda basta stabil y ta creciendo poco poco. Mester haci hopi esfuerso pa stimula deporte. Como Comite Olimpico tin cu traha hunto cu gobierno y tambe cu sector priva. E ta algo cu mester ta di comunidad. E no mester ta algo di Comite Olimpico so, pero algo conhunto cu otro partner. Pesey COA ta profila su mes hopi mas den comunidad, como un entidad cu kier traha hunto cu sector priva y gobierno, pero sector priva ta yuda hopi cu nan experticio con pa promove evento y naturalmente finansas.
COA ta bay organisa eventonan mas grandi, por ehempel un Festival Olimpico, un Celebracion di Deporte pero grandi. Ta premira pa aña 2019/2020 pa tin un pa dos evento pa aña grandi cu ta promove deporte. Ta spera cu esey lo bira algo nacional, segun Roy Mezas, presidente di COA.
