Bastante hende a participa na Walk 4 Paws na beneficio di Aruba Animal Shelter

Diandra Arends y Kimberly Bursera, ta studiantenan di Universidad di Arubaden e Faculty of Hospitality & Tourism Management y pa nan scol nan tabata tin un proyecto cu nan mester a organisa un evento di fundraising pa un organisacion sin fin di lucro. Cu un grupo di 6 hende, cu ta adora animalnan asina hopi, a dicidi di scoge Aruba Animal Shelter, como nan non-profit organization y kier a haci un dogwalk, cual nan a dicidi di yama “Walk 4 Paws” como e fundraising event. Tur fondo recauda lo bay duna Animal Shelter.

ADV

Segun Diandra Arends, e idea tabata yega minimo 100, maximo 150 participante, pasobra ta e prome evento cu nan a yega di organisa y kier a mantene chikito. Sinembargo hopi hende a yega, hopi walk-ins cu no a inscribi anteriormente, cual tabata un sorpresa hopi great.

A dura mas of menos un luna of un tiki mas pa organisa e evento aki.

E studiantenan tin hopi hende pa gradici, en particular, famia, amigonan, cual semper ta na nan banda. Pero e organisacionnan tambe tabata tin hopi cu a yuda, manera Ibisa cu a yuda cu supplies, Just for Pets, Shreck’s Pet Service, Xiomara di Dog Training, ECO DMS tambe a yuda. Tin hopi cu a yuda sea cu placa, como voluntario. E studiantenan ta aprecia masha hopi mes e ayudo cu nan a haya pa organisa e evento.


Comments

comments