Cuerpo Policial di Aruba ta haci un apelacion na comunidad pa yuda cu informacion pa gara e atracadonan di awe mainta. Ta trata di dos homber bisti completamente na preto cu awe mainta trempan a tira un atraco riba un cas den Scopapelstraat na Dakota. Segun e habitantenan di e cas a declara na Polis, e dos hombernan ta papia Spaño, y e accento ta mustra di ta Venezolano.
Nan a huy den auto Nissan March, cu su spiel banda drechi ta kibra, e backshield ta getint preto. Ta sospecha cu nan a keda den area di Tarabana / Dakota. Cualkier persona cu tin mas informacion di e caso aki of por reconoce e personanan tuma contacto cu e number di telefon 11141.
