Bais horta haya na ex Kong Hing

Diabierna atardi 3.30 polisnan a haya informe cu na e parkeerplaats di ex Kong Hing na L.G. Smith Boulevard tabatin un mountain bike y algun pertenencia bandona. Di biaha nan a bay na e sitio pa mira kico tur tin.

Na yegada a mira e bais y parce cu tin un denuncia di ladronicia p’e bais aki. Di biaha nan a mira rond y no tabatin ningun persona den cercania. Como cu no tabatin pickup disponibel pa bay cu e bais, nan a dicidi di pone e esaki den auto di transport. A hiba e bais y tur pertenencia pa warda di polis.