Hues Comisario ta extende detencion di Jason Margarita cu 16 dia

Den transcurso di diabierna autoridadnan a traslada e detenido Jason Margarita pa, manera ley ta prescribi, pa e presenta dilanti di Hues Comisario; e obhetivo ta pa determina si ta prolonga su detencion, of si tin basa pa laga e sospechoso den libertad.

E conocido fotografo y entrenador fisico di 39 aña ta acusa di abuso sexual di un menor di edad, pa cual a detene dia 25 di februari ultimo na su cas na Papaya.

Esaki ta di dos ocasion cu Hues Comisario ta extende su detencion; e prome tabata diabierna ultimo, mientras cu esun di awe ta pa diesseis dia. E decision aki ta nifica cu autoridadnan tin sea pruebanan suficiente pa mantene su direccion, y/of cu ministerio publico tin mester di mas tempo pa investiga prome cu bay trece e caso dilanti di Hues. 24ora.com tin entendi cu Margarita ta deteni na warda di Shaba.