Na de Koningskerk na Amsterdam a tuma luga awe diasabra 17 di december un ceremonia special pa despedi di ex-dominee Hein Hessen, cu a fayece dia 10 di december ultimo na edad di 90 aña. Entre e personanan presente den e misa tabatin un delegacion di Arubahuis, encabesa pa directora a.i. drs. Glenda Hernandez.
Durante di e servicio, Hernandez den nomber di Arubahuis, a hiba palabra unda el a bisa cu Aruba ta hopi agradecido na ex-dominee Hein Hessen pa tur loke ela nifica pa Aruba. ‘Nos conoce dominee Hessen como predicante pa misa Protestant na Piedra Plat. Tambe el a duna
les di godsdienst na Colegio Arubano. Despues cu ela baha cu pensioen el a bin biba na Hulanda, unda pa hopi aña tabata studiementor pa studiante Arubiano. Tambe sr. Hessen a traha na Arubahuis y tabata duna sosten na e personal dor di controla carta y notanan riba Hulandes,’ asina Glenda Hernandez a bisa den su discurso.
Tambe e director di Arubahuis a conta cu el a papia cu personal y otro studiementornan a bin compronde cu Hein Hessen tabata un persona hopi keri, respeta y nan tabata tin masha aprecio p’e. Hein Hessen ta tata di e conocido inspecteur-generaal di Inspectie Onderwijs Aruba, John Hessen.
Finalmente Genda Hernandez a desea casa, yuinan, nietonan y demas famia di ex-dominee Hessen hopi forsa den e dianan aki y e sosega na paz.
