Diabierna ultimo a tuma luga e prome anochi di “Christmas Shopping Nights” cu bastante persona canando y pasando den auto den Caya Betico Croes. Tabatin hopi ambiente, cuminsando cu Kidspreneur$ Bazaar na Plaza Daniel Leo desde 5:00 pm. Minister di Asuntonan Economico, mr. Geoffrey Wever, tabata personalmente den caya, pa saluda e publico y tambe a pasa cuminda e comerciantenan. Un di nan tabata Benji Pick di La Moderna, un di e pacusnan icono den nos caya grandi.
E mandatario a sigura cu si percura pa bon entretenimento, extra siguridad y bon ambiente familiar, cu sin duda publico lo haya e caminda bek pa haci compras den Caya Betico Croes. E ta convenci cu un miho cooperacion y union entre comerciantenan di Caya Betico Croes y Gobierno, lo traduci den un fin di aña exitoso pa benta. E mandatario a garantisa e comerciantenan di ta habri pa sigui promove mas evento hunto.
Asina algun siman pasa a opta pa laga habri Caya Betico Croes bek pa automobilistanan. Asina ta promove mas “window shopping” pa e cumpradonan por scoge di antemano locual ta pasa cumpra den dia. Ta importante pa comerciantenan percura pa laga e vitrinanan habri te cierto ora pa publico por disfruta di e ofertanan pa e temporada di fin di aña.
