Manera un gran tradicion, awe atrobe e comunidad Portugues residencia na Aruba a celebra nan dia nacional, conoci como Dia de Portugal, de Camões e das Comunidades Portuguesas. Aunke cu oficialmente ta observa e dia aki solamente na Portugal, e Portuguesnan rond mundo ta celebra hunto tambe. E fecha ta conmemora e fayecimento di un icono di Portugal, Luis de Camoes, kende a fayece dia 10 di juni 1580.
Riba e fotonan adhunto por aprecia e ceremonia protocolario awe mainta den Wilhelmina Park, unda e Portuguesnan a topa hunto cu Gobernador di Aruba y por lo menos 3 Minister di e 8 nan den Gabinete Wever-Croes. Algun miembro di Parlamento tambe a honra e Portuguesnan riba nan dia, e Cuerpo Consular di Aruba y algun hefe di departamentonan di Gobierno.
