AWD cu proyecto “One Happy Community” ta yuda Aruba durante COVID-19

325

Diahuebs, dia 30 di juli ultimo Aruba Wine and Dine Charity Foundation a tene su “Thank you” reception na Moomba Beach pa su boluntario y patrocinadornan cu a sostene nan Covid-response project, mediante alimentacion di esnan menos afortuna durante e crisis.

E proyecto “One Happy Community” a inicia den e funcion di e necesidadnan causa pa e crisis di COVID-19. Banconan di alimento local ya no tabata tin e capacidad di alimenta na tur e personanan vulnerabel na Aruba, pa cual cu e obhetivo di sirbi, e fundacion a yena e bashi aki door di proporciona cuminda cayente diario na tur esnan cu tin mester.

One Happy Community ta un proyecto completamente sin fin di lucro di Aruba Wine and Dine Charity Foundation. E prime dia, dia 14 di april 2020, a entrega cu exito 57 cuminda na personanan den necesidad cu ayudo di solamente dos boluntario y un donante di alimento. Solamente dos siman despues, cu ayudo y e apoyo di hopi mas boluntario, donante y patrocinador, a aumenta su capacidad na 300 entrega di cuminda gratuito pa dia. E principal donante, Aruba Wine and Dine Hospitality Group, a compromete na financia e iniciativa y a proporciona un di e cushinanan di su restaurantnan como espacio di trabao.

Loader Loading…
EAD Logo Taking too long?

Reload Reload document
| Open Open in new tab

Download [1.72 MB]

AWD Charity Foundation ta brinda apoyo na Fundacion Pa Nos Comunidad, e Banco di Alimento, Fundacion Helping Hand y otro organisacionnan sin fin di lucro pa garantisa pa yega na e audiencia adecua di e manera mas eficiente y efectivo posibel.

Nos “Target Audience” ta inclui esnan cu no tin un fuente di ingreso, ni provisionnan basico, ni placa pa obtene recurso basico. E lema di e fundacion pa e proyecto aki ta “ningun famia mester pasa door di e temponan dificil aki nan so.” “Ta importante cuminsa cu un efecto domino di manera positivo, touch curason y restaura e balor central di nos isla: un isla feliz,” Paola Koeman di e fundacion a bisa. “Door di yega na asina tanto persona, empresa y organisacionnan posibel, nos a ricibi donacionnan, principalmente den forma di productonan alimenticio.”

Hunto cu un ekipo di boluntario di cushina, e productonan aki ta wordo procesa den cumindanan di cas pa wordo entrega door di e ekipo di entrega boluntario di e organisacion benefico. Guia pa e lista di Banco di Alimento, distribui e cumindanan aki na esnan cu mas tin mester, siguiendo e guianan estricto di siguridad di COVID-19.

Ainda nan tin mester di apoyo:

  • cualkier tipo di alimento, cushina of sin cushina, ayudo na suministra mas cuminda.
  • Boluntario pa yuda prepara e cuminda of chauffeurnan pa delivery.
  • E ecuacion ta simpel: mas placa=mas cuminda! Nan tin mester di tur fondo disponibel pa sostene mas hende den necesidad. Un contribucion por haci un gran diferencia. Pa solamente 35 florin, un famia di dos por tin un cuminda cayente tur dia durante henter un siman.

Aruba Wine and Dine Charity Foundation ta desea pa gradici tur esnan envolvi y tur esnan cu tin pensa di sostene e proyecto di cualkier manera cu nan por. E cuenta di banco di Aruba Bank di e fundacion ta # 600 6210 190, na nomber di AWD Charity Foundation.