Dialuna anochi alrededor di 8or a bati alarma na Polis pa un dama cu no por cana riba su mesun forsa. Ta trata di tres dama cu a bay cana den Rooi Lamunchi. Den e proceso un di nan a cay y herida su pia, y probablemente a fracture. E caminda unda e dama tabata benta abou no ta accesibel cu auto. Ta mas of menos 1.5KM na pia pa por yega.
A pidi helicopter pa ilumina for di laira e caminda pa yega cerca e victima. Brandweer, ambulance su Paramediconan y polis a logra rescata e dama y trece bek na e entrada di e rooi. A transporte pa hospital pa asina ricibi atencion medico avansa. Ta di aplaudi e forma con e tres departamento a traha, bon coordinacion y den un tempo record, bon trabou na polis, ambulance y brandweer.