“Lady Gaga” a hinca “Celia Cruz” na su man

Dialuna den careda di 9or di anochi, polis a presenta na Madiki den caya Timonstraat debi cu tin un pelea a tuma luga.

Un pelea entre dos hende muhe. Un di nan a core bay na e bisiña y pidi pa yama polis y ambulance p’e pasobra e otro dama a hinke na su man.

A resulta cu ta dos muhe basta conoci den e bario di Madiki y ta conoci como “Lady Gaga” y “Celia Cruz” tabata esnan envolvi den e pleito y bringamento. “Lady Gaga” a agredi “Celia Cruz” cu arma blanco. Polis a cuminsa busca den e area unda e agresor a bay sconde y a bin top’e dilanti di Kowloon cu su cartera y su sapato di hilchi manera cu e ta riba un trip.

A detene mesora y pidi dogcatcher pa transporte pa warda di polis.