Algo pasa di 8or di anochi dialuna, bisiñanan di Pitastraat tabata na un fiesta na un cas. Na dado momento un persona masculino di edad tabata crusando caya y un auto color blanco supuestamente, a pasa dal e homber di edad.
Despues e chauffeur cu e auto a bandona e sitio. Mesora e hendenan cu ta na e fiesta a yama polis y rapidamente polis di playa y di trafico a yega na e sitio. Tambe presencia di ambulance tabata necesario pa paramediconan atende cu e victima memey riba camnda. Polis a tuma informacion di e testigonan entre otro na e fiesta. E victima tabata herida pero no critico. A bay cune pa Hospital pa dokternan atende cune. Caminda a keda sera basta rato pendiente investigacion.
