Te ainda autoridad ta buscando e sospechoso di asesinato, kende a hinca un otro hoben algun dia pasa banda di Arowak Garden. A hinca e victima mortalmente diadomingo marduga. Ta un siman caba y ainda no por gara e sospechoso. E ta scondi y recherche di Noord ta kere cu lo gar’e pronto. E sospechoso ta Ryson Paskel di 20 aña di edad. E tabata cera caba algun dia prome cu e asesinato pa maltrato y menasa.
El a sinta 10 dia. Despues el a wordo laga den libertad y ta haya su mes cu un caso mucho mas serio. Recherche di Noord a haci mas di un “huiszoeking” caba buscando Ryson Paskel. E prome entrada tabata na Tanki Leendert unda e lo tabata kedando. Eynan a topa cu e Pickup Hilux Cora cu el a huy despues di e hincamento.
Esunnan cu conoce y sa di paradero di Ryson Paskel por yama tipline di Polis na 11141. Tur informacion lo keda anonimo. Ryson Paskel ta na Aruba ainda y bon scondi. Esun cu tin Ryson Paskel scondi mester tene cuenta cu e ta un delito castigabel pa ley.
