Algo pasa di 10’or y 45 di diahuebs mainta, patruya di San Nicolas a ser manda na e crusada net dilanti di Subway Cura Cabay, caminda lo a sosode un accidente. Na yegada di patruya en berdad a bin topa cu un Toyota Hiace color preto, numera B-10, y un Mitsubishi Lancer color blanco, numera A-40588. Ora cu polis a bay chek kico exactamente a sosode, nan a bin constata cu e manehado di e Lancer no a paga tino cu e autobús a pasa bay. Aparentemente e lo a dal flush tras di e autobus, cu e consecuencia cu e Lancer a keda
basta kibra. No tabata tin ningún hende herida. Daño material ta considerabel.
