Dialuna marduga banda di 1’or, Central di Polis a haya yamada cu mester tin un auto Chevrolet Corsa hinca den mondi net banda e dam di Tanki Leendert.
En berdad ora Polis a yega na e sitio a topa un Chevrolet Corsa cu a baha for di caminda y dal riba un baranca banda di caminda. E auto a keda su so bandona y hasta telefon celular a wordo laga atras den e auto. Mirando e lastra riba caminda, por deduci cu e auto mester a bin cu basta velocidad y no por a tene e auto bou control mas y a baha for di caminda.
Polis a pidi central pa averigua number di e auto pa asina nan por tin un indicacion unda pa haya e chauffeur. No ta conoci si a logra di hay’e despues na e adres unda e auto ta registra.
