Dialuna dia 18 di november ultimo sra. Marisol Lopez-Tromp, Lider di Fraccion POR den Staten, a duna un presentacion na e studiantenan di e prome ana di e estudio Organization, Governance and Management (OGM).
Sra. Lopez-Tromp, como ex-Minister, a papia tocante di e tareanan di un Minister den e proceso di traha y ehecuta maneho. Otro topico tabata e rol di Parlamento, ambtenaar y consehero.
Tambe el a elabora riba politica en general na Aruba y e rol cu Reino y relacion internacional ta hunga. Despues di e charla, e studiantenan a haya e oportunidad pa haci pregunta na Parlamentario Lopez-Tromp.
Cada ana e docentanan Luciano Milliard y Helmut Vink ta invita den cuadro di e curso Governance, Policy and Organization (GPO) un ambtenaar of ex-ambtenaar di rango halto y un gobernante of ex-gobernante. E meta ta pa e profesionalnan di futuro conoce di serca e lidernan den comunidad cu ya pa hopi aña ta traha na bienestar di Pais Aruba den diferente funcion.
Den transcurso di e añanan, studiantenan di OGM tabata tin e privilegio di haya un charla di ex-Gobernador di Aruba sr. Fredis Refunjol, ex-Minister President sr. Nelson Oduber, ex-Minister di Husticia sr. Arthur Dowers y ex-Minister di Ensenansa sra. Mary Wever-Lacle.
