Dialuna marduga Polis a haya nan mes ta bay direccion Tarabana unda supuestamente un chauffeur mester tabata manehando un auto bou di influencia di alcohol. Aki tabata trata di un auto Suzuki Liana A-32077.
Polis a logra di localisa e auto banda di Seroe Biento bayendo zuid. Sinembargo e chauffeur banda di Well Well a dicidi di bira bay bek pabou. Automaticamente Polis a lora bay su tras cu zwaailicht cendi y a par’e net un tiki pariba di e rotonde di Cumana. Aki Polis a detene e chauffeur y a yama dogcatcher pa asina transporta e chauffeur pa warda.
