Diadomingo pa mas of menos 10:15 pm tanto polis como ambulance a presenta na e crusada di Avenida Milo Croes y Stadionweg. Na sitio tabata tin dos auto envolvi den un accidente. Ta trata di un Kia Sportage un pickup blanco dobel cabina.
Polis na sitio a tuma declaracion di ambos partido. E Kia Sportage tabata bayendo direccion aeropuerto y e pickup tabata bin di Stadionweg. Pero net e momento ey chauffeur di e pickup a tuma un chens pa sali. Consecuentemente e chauffeur di e Kia Sportage no por a evita e accidente y dal contra e pickup.
Mientras polis tabata tuma dato di e accidente, e paramediconan tabata haci chekeo medico na un persona di e Kia Sportage. Ambos auto a ricibi daño material.
