Diamars atardi alrededor di 5:40 pm a sosode un accidente entre un V-car y un ciclista. Na prome instante a drenta informacion cu e accidente a sosode na altura di La Granja na Playa.
Djey a resulta cu e situacion a surgi den Pardenbaaistraat. Aki ta caminda cu un Jeep color shinishi numera V-4117 a alcansa un ciclista riba su bais electrico y lag’e atras manera nada no pasa. E ciclista a logra capta e number di auto pa cual a informa polis mesora di e situacion.
E ciclista mes no tabata desea atencion medico. Polis a bis’e si cu; si a haya dolor despues, pa acudi na hospital pa nan haci un chekeo medico cu ne. Mas despues, e polis di trafico tambe a presenta na sitio p’asina documenta y cuminsa cu e proceso pa investiga e accidente aki.
