Diadomingo, 2 di Juni, tabata inicio di e Marathon Internacional di 42 kilomter, unda cu e maratonistanan Peruano Marcelo Peirano Blondet y Daniel Armas Mosqueira di ‘Barranco Runners a participa.
E specialistanan di e disciplina aki for di Peru a yega diahuebs ultmo y a sa di reuni cu nan compatriotanan aki na Aruba, como tambe cu miembronan di Fundacion Fiestas Patrias na Aruba, kendenan ta sostene nan 100%.
Un di e motibonan cu e Maratonistanan ta na Aruba ta debi cu e atleta Marcelo Peirano Blondett kier yega 100 maraton. Aruba a bira su di 65, faltando 35 mas pa e yega su meta.
Pa loke ta e resultadonan mes, Marcelo a yega e meta final riba 3:39 y Daniel Armas Mosqueira a yega riba 4:20. Palabra di pabien ta bay na ambos kendenan a yega toch riba un bon tempo. Awo, nos lo ta pendiente pa Marcelo pa su siguiente careda pa e por cumpli cu su marathon number 67.
