Por a ripara den e ultimo temponan, e tendencia mas y mas ta pa saca cancionnan den nos mesun idioma, Papiamento.
Den fin di siman tra’i lomba, varios artista Rubiano tabatin presentacion na Hulanda, entre nan Janiro Eisden, conoci den mundo di farandula como ‘Ataniro’, Mervin Baptiste, Nicole Manzo, Eldwin Kock y tambe Roderick ‘Rocco’ Franken.
Eisden a cuminsa na bisa cu e semper a saca su cancionnan na Papiamento. E tin como 33 aña den e mundo di musica y farandula, y semper el a canta na Papiamento y cu por bay rond mundo cu Papiamento. Pero nunca nan a kere den dje. Nunca nan a kere den dje. El a indica cu Papiamento ta limita, pa cual mester sa con pa combina e Papiamento pa por yega leu. ‘
Nunca el a drumi, semper el a zorg pa su videoclip, su imagen ta na ordo. Cos nobo semper tin, ta djis mester sa ki ora pa saca cancion, no saca nada pa loco.
Hopi di e cantantenan mester di guia y si nan acepta e guia, pa combin’e cu Ingles of Spaño, e producto, e musica mester keda interesante. Pero mester sa con pa hacie.
Rocco Franken a indica cu Papiamento ta e brug pa conecta Aruba cu Corsou y Bonaire, pero tambe e Boneriano- y e yiunan di Corsou biba na Hulanda.
Papiamento ta loke ta tene tur hunto y e hermandad semper lo keda existi, como islanan ruman di otro, conecta pa e mesun idioma.
