Ley pa combati enfermedadnan contagioso aproba unanimamente

Minister di Salubridad Publico, Turismo y Deporte, Dangui Oduber, a trata cambionan den ley pa combati enfermednan contagioso awe den Parlamento. Ta trata aki di enfermedadnan di bestia transmiti pa hende. Esaki tabata un ley pendiente cu mester a trata desde hopi tempo caba.

A logra trata e ley aki awe mainta y e mandatario ta contento cu tur fraccion tabata presente. E fraccionnan di MEP, POR, RED, y AVP unanimente a aproba e ley aki. E ley ta necesario pa percura pa limita risiconan. Segun Minister Oduber tin enfermedadnan cu bestianan por transmiti, pero tambe tin enfermedadnan via sexuele overdraag aandoening y a trata esaki nan tambe.

Minister Dangui Oduber: Parlamento a aproba ley unanimamente pa combati enfermedadnan contagioso

Minister Dangui Oduber: Parlamento a aproba ley unanimamente pa combati enfermedadnan contagioso

Posted by 24ora on Thursday, April 4, 2019

Tin 2 ley cu mester a haci cambio den nan. E mandatario ta hopi contento cu e cooperacion brinda y asina por mira e madurez di miembronan di Parlamento cu un ley sigur ta na bienestar di comunidad. Tur hende ta mira e necesidad y importancia di trata e ley di infectie ziektes. Unanimente a aproba e ley y Minister Oduber ta spera cu asina aki hopi ley mas cu ta na beneficio y bienestar di comunidad cu tur partido politico na Aruba por haya otro na bienestar di comunidad di Aruba.

Meta di e ley aki si mira e conseho di Raad van Advies tabata uno positivo. “Por fin nos tin un ley caminda cu tin diferente tipo di meld plicht na momento un persona por ehempel tin diarea. E por bin door di un infeccion transmiti door di un bestia anto e ley ta obliga bo cu bo tin un meld plicht mara na dje”, el a bisa.

Tin cu meld esaki sea bo ta pensa cu el a wordo transmiti si of no, pero bo tin obligacion por medio di ley cu bo tin di meld obligatoriamente na dunado di trabou. Si bo ta un ambtenaar of ta traha den sector priva e ta bira obligacion pa ley. Asina aki tin hopi otro strafbepaling, tin hopi obligacion cu comunidad mester tene cuenta y cumpli cun’e.

Comments

comments