Dialuna anochi a drenta na central di polis informacion riba un tiramento na un cas na Brazil cu un persona seriamente herida. Polis a bin cu maximo urgencia na e sitio, unda cu nan a bin topa cu e victima benta abao y apenas tabata halando rosea.
Ambulance cu tambe a yega di biaha na e sitio a traha di biaha cu e victima y cu maximo urgencia a hib’e hospital pa asina trata di scapa su bida.
Pero lamentablemente pa 11:50 pm, dokternan a constata morto di Richie M. Henao-Tavarez, di 20 aña di edad.
Inicialmente testigonan a duna di conoce cu nan a mira un auto preto pasa dilanti di e cas y los un tiro. Mas laat a haya version inoficial cu polis ta den buskeda di un vehiculo marca Nissan, modelo March tipo RHD (stuurwiel na banda drechi) cu no tin glas tint, pero no a por a specifica kico color e auto mes ta. Tambe a duna seña di e chauffeur como un persona hoben color bruin cla cu un pechi color preto bisti.
Na famianan di e fayecido, 24ora.com ta extende su mas sincero palabranan di profundo condolencia.
