E organisacion cu ta traha pa comunidad ta hopi contento cu nan evento. Esaki e Presidente Junior Arends a bisa.
Awe cuminsando rond di 1or di merdia a cuminsa cu nan evento unda pueblo por a trece nan donacion di e.o. paña na nan sede den Rumbastraat. E tabata un “Drive Thru Donation Drop Off” unda cu e no tabata tuma ni cinco minuut di e contribuyentenan pa yega, habri baul y boluntarionan ta saca e donacion.
E situacion ta haci cu den e tempo di crisis aki, mester ta creativo pero keda responsabel. Pa e motibo aki y cumpliendo cu e demanda di comunidad ta organisa esak den e forma aki.
A haci un yamada na comunidad di Aruba en general pa coopera door di haci donacion di e.o. paña pa baby, mucha, hoben y adulto, cos di hunga, laken pa cama, slopi, serbete, tur mester ta limpi, dobla y den bon estado den un bon saco of caha; como tambe productonan higienico manera e.o. habon, shampoo, pasta di djente, skeiro di djente, hand sanitizer, pampers, toilet paper y wipes. cualnan mester ta cera den nan empake of boter. Solamente e donacion- y productonan den bon condicion ta ricibi y ta entrega nan na famianan den necesidad urgente.
Arends tabata contento pasobra a haya mas cu esey.
