Aruba Lions Club su Legend Night ta den full swing

1

Manera ya anuncia anteriormente Aruba Lions Club tin un tremendo fiesta dia 29 di Mei na Renaissance Convention Center bao di e nomber di Legend Night.

Pa esaki tin no menos cu 5 banda ta actuando e anochi aki cu ta Amado Rosina cu The High Notes, Claudius Philips cu su grupo Oreo, Papito y su doble Sabor, Musical Time y Robert y su solo Banda Show.

Pa e fiesta aki ya caba hopi hende a core busca nan ticket y ainda tin pa esnan cu na ultimo momento ta dicidi cu nan no kier keda afor.
E prijs pa ticket ta costa solamente fl. 300,- cu ta entrada pa 2 persona y cu lo disfruta di e 5 bandanan, un sabroso dinner y natrualmente di un tremendo open bar. Tambe lo tin mas sorpresa pa tur cu lo asisti. E dress code ta di e tempo di 80, 90. Manera a yame: Cocktail Chic.

Pa carchi por contact cu tur miembro nan di Aruba Lions Club of comunica via e facebook page di e club. Tambe por yama na e siguiente telefonnan: 5666178, 7335757, 5930933 of 5922111 y delivery tambe ta posibel. Si sobra ticket lo bende na porta. Aruba Lions Club ta sigur cu tur cu acudi lo pasa hopi bon y ta gradici tur cu a yuda cu e anochi aki.