Durante dos dia largo, club di SportBoys na Angochi tabata e cas di e torneo di domino Individual Copa Rey 2018 organisa pa e federacion di domino.
Mester bisa cu e anja aki un total di 30 participante contrario na e 60 participante di anja pasa, a inscribi na e torneo aki unda tur hungador a hunga varios wega contra otro pa despues a saca e mihor hungadornan individual cual a bataya contra otro pa e final torneo Individual Rey Domino.
Na final di e torneo e ultimo dos personanan Felipe y Jossy a bataya fuerte y aki como e campeon di e torneo Copa Rey den Domino a keda Felipe Danjo sigui pa Jossy cu a keda na un di dos lugar. Remarcabel ta cu e anja aki e mundial di domino cual lo tuma lugar na Republica Dominicana lo ta den e categoria individual so. Pa e motibo aki tambe Aruba Domino Bond lo a desea mas participacion individual den e torneo aki y ta spera cu den e proximo torneonan individual lo haya mas partipante ya por forma un miho team pa representa Aruba den e mundial di domino. Sigur un pabien na tur e participantenan pa engrandece e deporte di domino.
Stichting Sportsubsidie Aruba a subsidia e dos dianan di competencia di e torneo di domino Individual Copa Rey 2018 organisa pa Aruba Domino Bond
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
