Aruba Bank e banco di mas inovador riba nos isla awor ta expande posibilidad automatisa den banco. E banco awor ta introduci un set di machine cu ta haci e experiencia di cliente den banco uno mas cortico y placentero. Den un Rueda di Prensa na Aruba Bank su sucursal di mas nobo y moderno a anuncia e machinenan nobo.

Smart Deposit Machine

Smart Deposit Machine ta expande su posibilidadnan, awor por paga cuentanan di WEB, Elmar y Setar. Tambe por paga cuenta di credit card. Manera antes por uza e machine aki pa deposita cheque of cash. E machine aki ta disponibel te cu 8pm di anochi na tur localidad di Aruba Bank cu excepcion di esun na Hato cu ta habri den siman te 4pm.

Customer Service Kiosk

Aruba Bank ta introduci awor un machine special pa haci Cambio di Adres, Telefon y Email den nan sistema. Si ta biahando por haci un “travel notice” for di e mesun machine aki pa habri carchinan di banco. Ademas di esaki por raporta un carchi di banco perdi of horta. Pues awor no mester para den rij pa haci e cambionan aki.

Coin Deposit

Awor por cliente lo por bin cu los geld lora y deposita esaki den e machine yama “Coin Deposit” Den dianan di siman riba 12pm y 4pm e banco lo procesa e depositonan haci den e machine riba cuenta di e cliente.

Di e manera aki Aruba Bank ta automatisa su servicionan di un manera hopi inovativo pa cliente por warda menos tempo den rij sin tin mester.